ShQO-da nashar jolǵa baılanysty 100-den astam adam jaýapqa tartyldy

ÓSKEMEN. QazAqparat – Shyǵys Qazaqstan oblysynda kósheler men avtojoldardyń sapasy nashar bolýyna baılanysty jol-kommýnaldyq organdardyń 100-den astam laýazymdy tulǵasy jaýapqa tartyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Jyl basynan beri polıtseıler 600-den astam kóshe men avtojoldy tekserip, jóndeý jumystaryn júrgizý qajettigi týraly 540 nusqaý jazǵan.

«Polıtsııa jáne jol qyzmetteriniń qyzmetkerleri «Qaýipsiz jol» jedel-profılaktıkalyq sharasy aıasynda belsendi jumys júrgizip keledi. Jol qozǵalysy qaýipsizdigin nasıhattaý jumystaryn júrgizý úshin jergilikti jáne respýblıkalyq mańyzy bar joldardyń boıynda ýaqytsha 21 kóshpeli post qurylǵan. Polıtseıler «QazAvtoJol» ulttyq kompanııasynyń ókilderimen birge júrgizýshilerge jol erejesin saqtaý qajettigin túsindirip, olarǵa jáne jolaýshylarǵa da broshıýralar men eskertpeler taratty», - delingen habarlamada.

Júrgizýshilerdiń kópshiligi jol sapasyna kóńil bólýdi suraıdy. Oblystaǵy avtojoldardyń kópshiligi 70-80 jyldary salynǵan, kóp jerlerde jol sapasyna qazirgi kólik aǵynyna saı emes.

Aktsııa qatysýshylary bıylǵy jol qurylysy maýsymynda respýblıkalyq mańyzy bar avtomobıl joldardy (Almaty - Óskemen, Omby – Maıqapshaǵaı, Taskesken – Baqty, Óskemen - Altaı) jóndeý boıynsha iri jobalardy iske asyrý josparlanǵanyn aıtty. Qazirde olardyń keıbiri qolǵa alynǵan.

Osy atalǵan jumystar tolyq baqylaýda ári olardy jaqsartý úshin qajetti sharalar qoldanylady.