ShQO-da muzdaq kólderge aerovızýaldyq sholý júrgizildi
ASTANA. KAZINFORM — Katonqaraǵaı aýdanynda ShQO TJD qyzmetkerleri men QR TJM «Qazseldenqorǵaý» MM mamandary Buqtyrma ózeni basseınindegi 7 muzdaq kólge aerovızýaldyq sholý júrgizdi.
— Tekserý barysynda 2000-2500 metr bıiktikte ornalasqan barlyq kólderdiń muzdan tolyq ashylǵany anyqtaldy. Kólderdegi sý deńgeıi tómen, aǵyp shyǵýy erkin júzege asýda, — dep málim etti ShQO TJD-dan.
Búginde jaǵdaı turaqty, qaýip-qater joq.
— Qaýipsizdikti qamtamasyz etý maqsatynda jyl saıyn kólder áli muz qursaýynda jatqan kezeńnen bastap tolyq ashylǵanǵa deıin sel qaýpi jaǵdaıyn baqylaý úshin tekserýler júrgiziledi, — dep atap ótti ShQO TJD bastyǵynyń orynbasary Amangeldi Ensegenov.
Aıta ketelik 2100 jylǵa qaraı muzdyqtardyń 85%-y joıylýy múmkindigi týraly jazǵan edik.
