ShQO-da muz keptelýi múmkin ýchaskelerde jarý jumystary júrgizilýde
ÓSKEMEN. QazAqparat – Shyǵys Qazaqstan oblysynda muz jarý jumystary jalǵasýda, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, ózenderde muzdy usaqtaý sharalary júrgizilip jatyr.
«Altaı aýdany Turǵysyn aýylyndaǵy Buqtyrma ózeninde muz jarý jumystarymen 16 308 sharshy metr aýmaq qamtylǵan. Osy maqsatta 1054,5 keli jarylǵysh zat qoldanyldy. Atalǵan jumysty jergilikti atqarýshy organdar, oblystyq TJ departamentiniń qyzmetkerleri jáne muz keptelisin boldyrmaý jáne ózen deńgeıin kóterý maqsatynda uzaq ýaqyt boıy jarylys jumystarymen kásibı túrde aınalysatyn mamandandyrylǵan uıym ókilderi júrgizgen», - dep habarlady vedomstvo ókilderi.
Aıta keteıik, búgingi tańda óńirde muz keptelýi múmkin 19 ýchaske anyqtalǵan. Bul aýmaqtardyń jalpy kólemi 181 399,7 sharshy metrdi qurap otyr.
