ShQO-da muz astyna ketken kólikte bolǵan áıeldiń kóz jumýyna baılanysty qylmystyq is qozǵaldy
6 jeltoqsan kúni saǵat 19.40 kezinde Samar aýdanyndaǵy Buqtyrma sý qoımasynda 5 adam otyrǵan kólik muz astyna qulaǵan. Tórteýi kólikten shyǵyp úlgerip, 72 jastaǵy áıel sýǵa batyp ketken edi. Alaıda áıeldiń denesi birden tabylmady. Súńgýirlerge aýanyń tómen temperatýrasy men sý astyndaǵy qarańǵylyq qıyndyq keltirgen.
8 jeltoqsanda túski ýaqytta áıeldiń denesi tabyldy. Barlyǵy 9 ret sý astyna túsý jumystary júrgizildi. Sýdyń tereńdigi – shamamen 20 metr. Іzdeý jumystaryna jeke quramnan 23 adam men 7 tehnıka jumyldyrylǵan.
ShQO Polıtsııa departamenti baspasóz qyzmetiniń málimetine súıensek, qazirgi ýaqytta atalǵan fakti boıynsha sotqa deıingi tergeý amaldary júrgizilýde. Belgili bolǵandaı, Mersedes kóligi Zaısan aýdanyna qaraı bara jatqan. Kólik júrgizýshisi muz ústinde júrýge tyıym salatyn belgini múlde elemegen. Sonyń saldarynan kólik muz astyna qulady.
«Samar aýdandyq polıtsııa bólimi QR Qylmystyq Kodeksiniń 104-baby (Abaısyzda adam ólimine ákep soǵý) boıynsha sotqa deıingi tergeý amaldaryn bastady», - delingen aqparatta.