ShQO-da muz astyna ketken kólikte bolǵan áıeldiń denesi áli tabylmady

ÓSKEMEN. QazAqparat – Shyǵys Qazaqstan oblysynda muz astyna túsip ketken kólik ishinde bolǵan áıeldiń denesi áli tabylmaı jatyr, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 6 jeltoqsan kúni saǵat 19.40 kezinde Samar aýdanyndaǵy Buqtyrma sý qoımasynda 5 adam otyrǵan kólik muz astyna qulaǵan. Tórteýi kólikten shyǵyp úlgerip, 72 jastaǵy áıel sýǵa batyp ketken.

«Qazirgi ýaqytta áıeldiń denesin izdestirý jalǵasyp jatyr. Barlyǵy 6 ret sý astyna túsý jumystary júrgizildi. Súńgýirlerge aýanyń tómen temperatýrasy men sý astyndaǵy qarańǵylyq qıyndyq keltirýde. Olar ár jerdi qolmen sıpap, izdeýge májbúr», - delingen aqparatta.

Sýdyń tereńdigi shamamen 20 metrdi quraıdy. Onda jeke quramnan 23 adam men 7 tehnıka jumyldyrylǵan.

Eske salsaq, ShQO-da bes adam mingen kólik muz astyna túsip ketip, bir jolaýshy kóz jumǵany habarlanǵan bolatyn.