ShQO-da múmkindigi shekteýli balalarmen jumys istegen 200-den astam muǵalimge qosymsha aqy tólenbegen

ÓSKEMEN. QazAqparat – Shyǵys Qazaqstan oblysy Samar aýdanynda prokýrorlar múmkindigi shekteýli balalarmen jumys istegen 200-den astam muǵalimge 20 mln teńge qosymsha aqy tólenbegenin anyqtady, dep habarlaıdy QazAqparat tilshisi.

ShQO Prokýratýrasy baspasóz qyzmetiniń málimetine súıensek, Samar aýdanynyń prokýratýrasy ınklıýzıvti bilim beretin muǵalimder quqyǵynyń buzylý faktisin tirkedi.

«Tekserý barysynda pedagogterge erekshe bilim berýdi qajet etetin balalarmen jumys istegeni úshin 2020 jyldan bastap 2023 jyldyń maýsymyna deıingi kezeńde bazalyq laýazymdyq jalaqyǵa tólenetin tıisti qosymsha aqy qate koeffıtsıentpen eseptelgen. Sonyń saldarynan aı saıynǵy tólem somalary tómendetilip keldi», - delingen aqparatta.

Anyqtalǵan buzýshylyqtar boıynsha Samar aýdanynyń prokýratýrasy qadaǵalaý aktisin engizdi. Ony qaraý sheńberinde 209 oqytýshyǵa 20 mln teńgeden astam somaǵa qaıta esepteý júrgizildi. Osylaısha, pedagogtardyń quqyqtary qalpyna keltirildi.