ShQO-da Muhtar Áýezovke eskertkish ornatyldy
ASTANA. QazAqparat - Shyǵys Qazaqstan oblysynyń Jarma aýdanynda «Týǵan jer» baǵdarlamasy aıasynda zańǵar jazýshy Muhtar Áýezovke eskertkish ornatyldy, dep habarlady Habar24.kz.
1967 jyly qalamgerdiń 70 jyldyǵy tusynda Baqyrshyq kentine jazýshynyń esimi berilgen. Áýezovtyń ózi de osy aýdanda birneshe ret bolyp, qarapaıym eńbek adamdary týraly ocherkter jazǵan bolatyn. Mystan jasalǵan músinniń bıiktigi tuǵyrymen alǵanda 6 metr. Jas músinshi Nurbol Qalıev bul týyndyǵa birneshe aı ýaqytyn jumsapty.
Aıta keteıik, jobaǵa demeýshilik jasaǵan adam - Áýezov kentiniń týmasy, qazir Reseıdiń Túmen oblysyndaǵy kásipker Orazhan Qalıev.
«Jarmanyń ózi Zere apamyzdyń jeri. Kele jatqanda Abaı romanynyń kórinisteri kóz aldymda. Qazaqtyń Uly dalasy. Muhtar Áýezovtyń jer júzinde, kóptegen jerde músinderi bar. Al endi mynanyń orny erekshe. Sondyqtan árıne men úshin úlken qýanysh. Oǵan kýá bolyp turǵan osyndaǵy turǵyndar. Osy músin arqyly osyndaǵy turǵyndar, Áýez kenttiń turǵyndaryn ózimniń baýyrym retinde sezinemin»,-dedi mádenıettanýshy Murat Áýezov.
