ShQO-da múgedek balalarǵa arnalǵan ekologııalyq týr iske qosyldy
ÓSKEMEN. QazAqparat - Óskemende Qazaqstan Respýblıkasynyń Tuńǵysh Prezıdenti - Ult Kóshbasshysy qorynyń qoldaýymen múgedek balalarǵa arnalǵan eksperımentaldy jańa joba qolǵa alyndy, dep habarlaıdy «QazAqparat» HAA tilshisi.
Jobanyń jetekshisi Tatıana Chernyshevanyń aıtýynsha, Ulan aýdanynda - ejelgi Aqbaýyr observatorııasy, Ablaınkıt kesheni eskerkishi, Sıbın taý alqaby boıynsha 2 ınklıýzıvtik ekologııalyq týr jasalatyn bolady.
«Biz qazir ózdigimen qozǵala alatyn eki balalar tobyn iriktep jatyrmyz. Birinshi kúni bizdiń erekshe týrısterimizdi Aqbaýyrǵa alyp baramyz, al ekinshi topty - Sıbın taý alqabyn aralatamyz, keıin baǵytty aýystyramyz. Sosyn Sorokın taý eteginde, Qurt taýynda toqtaımyz, Qalby Altaıǵa baramyz. Mundaı ekotýrıstik ınklıýzıvtik joba elimizde buryn bolmaǵan», - dep málimdedi T.Chernyshova.
