ShQO-da múgedek balalardyń máseleleri sheshilmeı jatyr - prokýratýra
Atalǵan óńirde qazirgi ýaqytta 15 208 kemtar bala bar. Sońǵy 3 jylda arnaıy qajettiligi basym kámelettik jasqa tolmaǵandardyń sany 34 protsentke ósken. Atap aıtqanda, psıhıkalyq damýynyń aýytqýshylyǵy bar balalar kóbeıip (1 762 nemese 35 protsent) otyr. Qadaǵalaý vedomstvosy anyqtaǵandaı, eshbir ýákiletti organ - múgedek balalar sanynyń ósýi týraly taldaý jasamaǵan.
«Barlyq balalardyń ishinen, aýmaqta túzetýdi qajet etetin 5 myńnam astam balaǵa ınklıýzıvti bilim berý sharasy usynylmaǵan. Olar mektepterge barǵanymen, bilim mekemelerinde olardyń aýrýlaryn eskeretin eshqandaı jaǵdaı jasalmaǵan. ShQO-nyń 3 aýdanynda múgedek balalardyń oqýyna birde-bir mektepte jaǵdaı joq. Nátıjesinde, bul aýdandarda arnaıy kómeksiz 600-ge jýyq bala oqyp jatyr», - dep habarlaıdy quzyrly vedomstvodan.
Quzyrly organ buǵan qosa bir aýdannyń jaýapty mamandary óz óńirlerinde arnaıy muqtaj balalar turmaıdy dep esep bergen. Alaıda prokýrorlar teksere kele shyn mánisinde ol aýdanda osyndaı 53 bala turatyndyǵyn anyqtaǵan.