ShQO-da mototsıklmen aýdarylyp qalǵan er adam kóz jumdy
ÓSKEMEN. KAZINFORM – Shyǵys Qazaqstan oblysynda mototsıklmen aýdarylyp qalǵan er adam qaza boldy.
ShQO Polıtsııa departamenti baspasóz qyzmetiniń málimetine súıensek, qaıǵyly oqıǵa Ulan aýdany aýmaǵynda boldy.
- 51 jastaǵy Óskemen qalasynyń turǵyny «HUSQVARNA 901 NORDEN» markaly mototsıklmen Alǵabas aýylynan Tarǵyn aýyly baǵytyna qaraı kele jatyp, róldi basqara almaı, aýdarylyp qalǵan. Jol-kólik oqıǵasy saldarynan er adam oqıǵa ornynda kóz jumdy, - dep habarlady vedomstvo ókilderi.
Atalǵan fakti boıynsha QR Qylmystyq Kodeksiniń 345-baby 3-bóligine sáıkes (abaısyzda adam ólimine ákelip soqqan jol júrisi qaǵıdalaryn buzý) sotqa deıingi tergeý amaldary bastaldy.
Eske salsaq, osyǵan deıin Kókshetaýda polıtsııa mototsıkl júrgizýshisinen 5 keliden astam marıhýana tárkilegeni habarlanǵan.
