ShQO-da mototsıkl tizginine otyrǵan 13 jastaǵy qyz qaza boldy
ÓSKEMEN. KAZINFORM – Shyǵys Qazaqstan oblysy Rıdder qalasynda mototsıkl aıdaǵan 13 jastaǵy qyz kóz jumdy.
ShQO Polıtsııa departamenti baspasóz qyzmetiniń málimetinshe, kámeletke tolmaǵan eki bala mototsıklmen kele jatyp, turǵyn úıdiń janyndaǵy baǵanaǵa jylqyny baılap turǵan arqanǵa soǵylǵan.
- Sonyń saldarynan mototsıkl tizgininde otyrǵan 13 jastaǵy qyz aýyr jaraqat alyp, oqıǵa ornynda kóz jumdy. Al 15 jastaǵy jolaýshy qyz aýrýhanaǵa jetkizildi, - dep habarlady vedomstvo ókilderi.
Jetkinshektiń qaza bolýyna baılanysty Rıdder qalalyq polıtsııa bólimi qylmystyq is qozǵaǵan.
- Qazirgi ýaqytta bolǵan oqıǵanyń barlyq mán-jaıyn anyqtaýǵa baǵyttalǵan qajetti tergeý amaldary júrgizilip jatyr. Jylqynyń ıesi anyqtalyp, polıtsııa bólimine jetkizildi, - delingen aqparatta.
Eske salsaq, osyǵan deıin Taldyqorǵanda jol apatynan bir adam qaza taýyp, úsh adam jaraqat alǵany habarlanǵan.
