ShQO-da meshitte ótetin otbasylyq is-sharalarǵa shekteý qoıyldy

ÓSKEMEN. QazAqparat – Shyǵys Qazaqstan oblysynda otbasylyq jáne salt-dástúr is-sharalaryna shekteý engizildi, dep habarlaıdy QazAqparat.

Bul jaıly aımaq basshysy Danıal Ahmetov óziniń Facebook jelisindegi paraqshasynda jazdy.

«Oblystaǵy dinı konfessııa ókilderimen kezdesý ótkizdim. El ishinde jarııalanǵan tótenshe jaǵdaı aıasynda engizilgen ýaqytsha shekteý sharalaryn talqyladyq. 16 sáýirge deıin otbasylyq jáne salt-dástúr is-sharalaryn (meshitterde, shirkeýlerde jáne basqa da dinı ǵımarattarda júrgiziletin dinı sharalar) ótkizýge shekteý engizildi», - dedi ákim.

Esterińizge sala ketsek, Memleket basshysynyń jarlyǵymen Qazaqstanda búgin saǵat 08.00-den bastap 15 sáýir 07.00 deıin tótenshe jaǵdaı jarııalanǵan.