ShQO-da «Mereıli otbasy» konkýrsynyń jeńimpazdary marapattaldy
Aımaq basshysy Danıal Ahmetov oblys halqyn Otbasy kúnimen quttyqtady.
«Otbasy kúni – bul eń basty merekelerdiń biri. Óıtkeni memlekettiń myqty bolýy – keregesi berik, shańyraǵy bıik januıalarǵa baılanysty. Otbasynyń qundylyǵy berekemen ólshenetinin esten shyǵarmaǵan abzal. Shańyraqtaǵy erli-zaıyptylardyń, bala-shaǵanyń uıytqysy – tatýlyq. Bereke men tatýlyq bar úıde jylý da, tabys ta bolady. Mundaı otbasynyń tárbıesin kórgen urpaq el erteńi úshin adal qyzmet etetin azamat bolyp ósedi», - dedi ol.
Búgin Óskemende «Mereıli otbasy» ulttyq konkýrsynyń laýreattaryn saltanatty marapattaý rásimi boldy. Shara QR Memlekettik hatshysy Qyrymbek Kósherbaevtyń qatysýymen onlaın formatta ótti. Segiz jyldan beri kóptegen otbasy úzdikter qatarynan kóriný úshin osy konkýrsqa qatysyp keledi.
«Bıyl semeılik Temirhanovtar otbasy Memleket basshysynyń dıplomy men aqshalaı sertıfıkatyn ıelendi. Altaı men Marına 7 bala tárbıelep otyrǵan otbasy. Jeti balanyń úsheýi óz balalary bolsa, tórt balany asyrap alǵan. Bul – meıirimdiliktiń úlken úlgisi. Otbasynyń barlyq músheleri sportpen aınalysyp, salaýatty ómir saltyn ustanady. Erli-zaıyptylar bes mıllıon teńge kólemindegi aqshalaı syılyqty úı salýǵa jumsaıtyn boldy», - dedi Danıal Ahmetov.
Ekinshi oryndy Rıdder qalasynda turatyn qutqarýshylar otbasy – Dıdarhanovtar jeńip aldy. «Mereıli otbasy-2021» konkýrsynyń úshinshi ornyn Zaısan aýdanynyń Mamyrbekter otbasy ıelendi.
