ShQO-da mereke kúni karantın talaptaryn buzýdyń 23 faktisi tirkeldi

ÓSKEMEN. QazAqparat – Shyǵys Qazaqstan oblysynda 8 naýryz kúni karantın talaptaryn buzýdyń 23 faktisi tirkeldi, dep habarlaıdy QazAqparat tilshisi.

Óńirde arnaıy qurylǵan monıtorıngilik toptar shekteý sharalarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıdter júrgizýde.

«Óskemende 8 naýryz kúni 205 nysan tekserilgen. Nátıjesinde oblystyń bas sanıtarlyq dárigeri belgilegen shekteý rejımin buzýdyń 8 faktisi tirkelgen. Onyń ishinde dúken satýshylarynyń arasynda maska taqpaǵandar anyqtaldy», - delingen ShQO Aqparat ortalyǵy taratqan málimette.

Al Semeıde mereke kúni 299 obektige tekserý júrgizilgen. Reıdter barysynda saýda úılerinde, bazarlarda jáne qoǵamdyq kólikterde maska rejımin buzýdyń 15 faktisi tirkelip otyr.