ShQO-da mereke qarsańynda 50 názik jandy polıtseı marapattaldy
ShQO Polıtsııa departamentinde Halyqaralyq áıelder kúnine arnalǵan dástúrli merekelik is-shara ótti. Departamenttiń saltanatty zalynda basshylyq pen jeke quram jınaldy.
«Áıel polıtseılerdi marapattaý týraly merekelik buıryqtarǵa Qazaqstan Respýblıkasynyń Іshki ister mınıstri men Shyǵys Qazaqstan oblysy PD bastyǵy qol qoıdy. Shara barysynda 50 názik jandy polıtseı marapattaldy», - delingen oblystyq PD baspasóz qyzmeti taratqan málimette.
Aıta keteıik, qazirgi tańda ShQO Polıtsııa departamentinde kún saıyn óńir aýmaǵynda qoǵamdyq tártiptiń saqtalýyn qamtamasyz etetin 800-den astam áıel saqshy qyzmet etedi.
«Elimizdiń búgini men bolashaǵy úshin jaýapkershilikti erlermen teńdeı bólise otyryp, Sizder qaýipsizdikti qamtamasyz etýdesizder. Azamattardyń quqyqtary men zańdy múddelerin qorǵaýda eńbekterińiz zor», – dep atap ótti departamenttiń er-azamattary.
