ShQO-da menıngıt juqtyrǵan sarbazdyń jaǵdaıy jaqsardy- dáriger
ALMATY. QazAqparat - Almatyda dárigerler Shyǵys Qazaqstan oblysynda menıngıt juqtyrǵan shekarashy sarbazdyń jaǵdaıy týraly aıtty, dep habarlaıdy QazAqparat tilshisi.
Qaraǵandydan shaqyrylǵan sarbaz juqpaly aýrýdy áskerı bólimde juqtyrǵan.
Keıinnen naýqas Almatyǵa jetkizildi.
«Áskerı qyzmetshiniń jaǵdaıy jaqsardy. Menıngıt belgileri joq. Intoksıkatsııa belgileri de, denesinde bórtpeler shyǵyp jatqan joq»- dedi qalalyq Qoǵamdyq densaýlyq basqarmasynyń baspasóz qyzmetinen.
Qazir naýqas jansaqtaý bóliminen palataǵa aýystyryldy.
Eske sala ketsek, Shyǵys Qazaqstan oblysynyń áskerı bólimshesinde menıngıt ınfektsııasyn juqtyrǵan sarbaz Almatyǵa jetkizilgen bolatyn. Jáne onyń jaǵdaıy aýyr dep baǵalanǵan edi.
