ShQO-da memlekettik-jekeshelik áriptestik aıasynda 180 joba iske asady

ÓSKEMEN. QazAqparat - ShyǵysQazaqstan oblysynda birqatar mańyzdy ınfraqurylymdyq jobalar júzege asyp jatyr, dep habarlaıdy QazAqparat tilshisi.

Eń mańyzdylarynyń biri - Buqtyrma sý qoımasy arqyly ótetin kópirdiń qurylysy. Bul óńirdiń kóliktik-logıstıkalyq máselesin sheshýge múmkindik beredi.

Sonymen qatar ishki týrızmdi odan ári damytýǵa yqpal etpek.

Oblystyq máslıhattyń 7 sessııasynda oblys ákimi Danıal Ahmetov óńirdiń ınvestıtsııalyq qorjynynda qazir 102 joba bar ekendigin aıtty.

Al memlekettik-jekeshelik seriktestik aıasynda 180 joba asyrylady.

Onyń arasynda Semeıde «Sergek» kamerasyn ornatý jáne Glýbokoe kentinde túrik tehnologııalary boıynsha qazandyq salý jobalary bar.

«Energetıka salasyndaǵy iri joba - Turǵysyn GES bolsa, ınfraqurylymdyq mańyzdy jobalar - Semeıdegi avtojol kópirin qaıta jańartý jáne oblystyń eki iri qalasynda aınalma joldar salý», - dedi Danıal Ahmetov.

Taǵy bir baǵyt - qazir aýqymdy qurylys júrgizilip jatqan shekara mańyndaǵy aýmaqtar men burynǵy aýdan ortalyqtaryn damytý.