ShQO-da memlekettik qyzmet bedeline nuqsan keltirgen 18 adam jazalandy

ÓSKEMEN. QazAqparat – Shyǵys Qazaqstan oblysynda memlekettik qyzmettiń bedeline nuqsan keltirgen 18 tulǵanyń laýazymy tómendetildi, dep habarlaıdy QazAqparat tilshisi.

QR Memlekettik qyzmet isteri agenttigi Shyǵys Qazaqstan oblysy boıynsha departamentiniń málimetinshe, bir jyl ishinde 764 memlekettik qyzmetshi tártiptik jaýapkershilikke tartylǵan. Tártip buzǵan laýazymdy tulǵalardyń ishinde 401 adam jergilikti atqarýshy organdarda, 363-i ortalyq memlekettik organdardyń aýmaqtyq bólimshelerinde qyzmet atqarady. 21 adam memlekettik qyzmet etıkasyn buzǵan.

«Máselen, Shyǵys Qazaqstan oblysy Mádenıet basqarmasynyń basshysy alkogoldi ishimdik iship, janjalǵa qatysqany úshin QR ÁQBtK-niń 440-baby 1-bóligine sáıkes jaýapqa tartylǵan bolatyn. Bul jaǵdaı áleýmettik jelide qyzý talqylandy. Soǵan oraı qyzmetker jumystan bosatyldy», - dedi departament basshysy Nurlan Erkebaev.