ShQO-da memleketke qaıtarylǵan qarajat esebinen áleýmettik mańyzy bar jobalar iske asyryldy
ASTANA. KAZINFORM - Shyǵys Qazaqstan oblysynda prokýratýra organdary memleketke qaıtarǵan qarajat esebinen 7 áleýmettik nysannyń qurylysy men rekonstrýktsııasy júzege asyryldy, dep habarlaıdy oblys prokýratýrasynyń baspaóz qyzmeti.
Іske asyrylǵan jobalardyń qatarynda Rıdder qalasyndaǵy jańa kópbeıindi aýrýhana kesheni, Altaı aýdanyndaǵy MRT ornalastyrýǵa arnalǵan korpýs, Shemonaıha aýdanynyń Volchanka aýylyndaǵy dárigerlik ambýlatorııa, sondaı-aq Bozanbaı, Asýbulaq, Otradnoe jáne Bolshaıa Rechka aýyldaryndaǵy sýmen jabdyqtaý nysandary bar.
Atalǵan jobalardy iske asyrý medıtsınalyq kómektiń qoljetimdiligin arttyrýǵa jáne óńirdiń 3,5 myńnan astam turǵynyn sapaly aýyz sýmen qamtamasyz etýge múmkindik berdi.
-Qurylystyń barysy jáne qalǵan áleýmettik mańyzy bar nysannyń ýaqtyly iske asyrylýy ShQO prokýratýrasynyń turaqty baqylaýynda,-delingen habarlamada.
Osyǵan deıin qaıtarylǵan aktıvterdiń arqasynda Almatynyń 2500-den astam turǵyny aýyzsýǵa qol jetkizgeni týraly jazdyq.
