ShQO-da memleketke 900 mln teńge zalal keltirgen qylmystyq top músheleri sottaldy

NUR-SULTAN QazAqparat - Shyǵys Qazaqstan oblysynda memleketke 900 mln teńge kóleminde zalal keltirgen qylmystyq top músheleri sottaldy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

Agenttik 2020 jyldyń basynan bastap «Stop-obnal» jedel-aldyn alý sharasy aıasynda jalǵan shot-faktýra jazyp berý jáne qarajatty krımınaldyq qolma-qol aqshaǵa aınaldyrý boıynsha qyzmet kórsetetin 105 áleýetti topty anyqtady.

Búgingi tańda top múshelerine qatysty 490 sotqa deıingi tergep-tekserý isi bastaldy, onyń ishinde 28 is uıymdasqan qylmystyq top qurý deregi boıynsha qozǵaldy.

«Agenttiktiń Shyǵys Qazaqstan oblysy boıynsha aýmaqtyq departamenti ıA.Moskvına, K.Daıyrbaev jáne F.Romanovtar uıymdastyrǵan qylmystyq toptyń jolyn kesti. Olar jalǵan fırmalardyń atynan mámileniń jalpy somasynyń 2-den 6%-na deıingi mólsherde syıaqy alý úshin jalǵan býhgalterlik qujat jazyp berýmen aınalysqan. Memleketke keltirilgen materıaldyq zalaldyń jalpy somasy 900 mln teńgeden asady», delingen habarlamada.

Vedomstvonyń málimdeýinshe, qylmystyq top músheleri 5 jylǵa bas bostandyǵynan aıyryldy.