ShQO-da memleketke 525 mln teńge zalal keltirgen qylmystyq top ustaldy
ÓSKEMEN. QazAqparat - Shyǵys Qazaqstanda qylmystyq toptyń kesirinen memleketke 526 mln teńge zııan kelgen. Bul jóninde Qarjy monıtorıngi komıtetine silteme jasap QazAqparat habarlaıdy.
Shyǵys Qazaqstan oblysy boıynsha ekonomıkalyq tergeý departamenti «STOP obnal» jedel-profılaktıkalyq sharasy aıasynda is júzinde jumys atqarmaı, qyzmet kórsetpeı, taýarlardy tıep-jóneltpesten shot-faktýra jazyp berýmen aınalysqan uıymdasqan qylmystyq toptyń jolyn kesti.
Uıymdasqan toptyń basshysy 2017-2019 jyldar aralyǵynda birneshe kásiporyn quryp, ShQO aýmaǵynda óziniń zańsyz qyzmetin júzege asyrǵan.
Jalǵan kásiporyndardyń qyzmeti saldarynan memleketke 525 mln teńge kóleminde zalal kelgen.
Qazirgi ýaqytta QR QK 262-babynyń 1-bólimi jáne 216-baptyń 3-bólimi boıynsha sotqa deıingi tergeý júrip jatyr.
