ShQO-da mektep salǵanda qarjy únemdelý úshin daıyn jobalar paıdalanylady
ÓSKEMEN. QazAqparat – Shyǵys Qazaqstan oblysynda mektep salǵanda qarjy únemdelý úshin daıyn jobalar paıdalanylady, dep habarlaıdy QazAqparat tilshisi.
ShQO ákimi Danıal Ahmetov óńirdegi mektep qurylysyna qatysty keńes ótkizdi. Óz sózinde ol máseleni jan-jaqty zerttep, demografııalyq jaǵdaıdy taldap, qaı eldi mekenge jáne qansha oryndyq mektep salý kerektigin aıqyndaý qajettigin aıtty.
«Mektep salǵanda tıimdi daıyn tıptik jobalardy paıdalanǵan jón. Slardyń biri – Tavrııadaǵy mektep. Bul óte sátti joba, osyndaı jobalardy kóbeıtý kerek. Qujattamalardy ázirleý óte qymbat protsedýra. Al tıptik jobalar bıýdjet qarjysyn únemdeýge múmkindik beredi», - dedi Danıal Ahmetov.
Onyń aıtýynsha, bolashaqta Ýrýnhaıka aýylynda júz oryndyq mektep salynady jáne sol jobany basqa eldi mekender úshin de qoldanýǵa bolady. Budan bólek, kelesi jyly Semeıdiń Qaraǵaıly jáne Et kombınaty aýdandarynda bilim ordasyn salý josparlanyp otyr.
«2023 jyly Óskemendegi oblystyq Drama teatrdyń artynan jańa mektep boı kóteredi. Óıtkeni bul óte qarqyndy damyp kele jatqan aýdan. Jylandy, Beloýsovka kentteri men Qapaı aýylyna da jańa mektep salynady», - dedi oblys ákimi.
