ShQO-da mektep oqýshylary armrestlıngten Azııa chempıony atandy

ÓSKEMEN. QazAqparat – Shyǵys Qazaqstan oblysy Kúrshim aýdanyndaǵy 7-synyp oqýshylary armrestlıngten Azııa chempıony atandy, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, Kúrshim aýdanynda jas chempıondar Tórejan Qazbekov pen Aldııar Qumarǵazyny jerlesteri qoshemetpen qarsy aldy.

7-synyp oqýshylary Dýbaıda ótken armrestlıngten Azııa chempıonatynda altyn alyp qaıtty.

Oqýshylar naýryz aıynda respýblıka chempıonatynda Shyǵys Qazaqstan oblysy quramasy sapynda óner kórsetip, jeńimpazy atanǵan bolatyn. Sodan keıin olar Azııa chempıonatyna joldama aldy.

«Dúbirli dodada el atynan shyqqan sportshylar ózderine artylǵan úmitti aqtap, jeńis tuǵyrynan kórindi. Jerlesteri sportshylardy maqtanyshpen qarsy alyp, jattyqtyrýshy Zańǵar Ashmanovqa alǵystaryn bildirdi», - delingen habarlamada.