ShQO-da mektep muǵalimderine qashyqtan oqytýǵa arnalǵan vıdeotoptama ázirlendi
Jazǵy demalys kezinde bilim ordalary balalardy jańa formatta oqytýǵa daıyndalǵan. Bul jaıly ShQO ákimi Danıal Ahmetovtyń qatysýymen ótken bilim qyzmetkerleriniń dástúrli tamyz konferentsııasynda aıtyldy.
Bilim basqarmasynyń basshysy Saırangúl Jumadilova jańa oqý jylynda oqýshylardyń sany ótken jylmen salystyrǵanda bir jarym myńǵa artyp, 189 myń baladan asqanyn atap ótti. Olardyń jartysy qashyqtan sabaq oqıdy. Onlaın sabaqty sapaly júrgizý úshin bilim ortasy qurylyp, kompıýtermen qamtamasyz etý jáne ınternetke qosý máseleleri sheshilýde.
Oqý jyly bastalmas buryn oblystaǵy muǵalimder pedagogıkalyq sheberlik ortalyǵynda 40 saǵattyq asınhrondalǵan onlaın kýrstan ótti. Kýrs barysynda olar tsıfrlyq platformany qoldanýdy meńgerip qaıtty.
Budan bólek, pedagogtarǵa kómek retinde 1200 sabaqtan turatyn tsıfrlyq bilim kontenti ázirlendi. «Órleý» biliktilikti arttyrý ulttyq ortalyǵynyń oblystyq fılıaly pedagogtarmen birge 8-9 synyp oqýshylaryna arnalǵan geometrııa, fızıka, bıologııa, orys tili jáne ádebıeti pánderi boıynsha 304 beınesabaq ázirledi.
Óskemen men Semeı qalalaryndaǵy mektepterde 82 pedagogtiń qatysýymen 272 sabaq shyǵaryldy.
Qashyqtan bilim berý maqsatynda oblysta úsh myńnan astam sabaqtyń beınehanasy jasaldy. Al pedagogtarǵa arnalǵan eki myńnan astam vebınar uıymdastyryldy.
Shaǵyn komplektili 373 mektepte shtattyq rejımde 41 986 bala bilim alady. Oqý eki aýysymda uıymdastyrylady. Aýysym kezinde jarty saǵattyq úzilis bolyp, árbir sabaqtan soń dezınfektsııalaý jumystary júrgiziledi. Mektepterde maska kııý rejımi saqtalyp, medıtsınalyq baqylaý kúsheıtiledi.
Aımaq basshysy Danıal Ahmetov balalardyń densaýlyǵyn saqtaý úshin mektepterdegi qaýipsizdik sharalaryn qatań saqtaýdy tapsyrdy.