ShQO-da mektep qurylysyna tek tájirıbeli kompanııalar tartylmaq
ShQO ákimi Danıal Ahmetov eldi mekenderde mektep salý máselesi boıynsha qurylys kompanııalarymen kezdesý ótkizdi.
«Atalmysh jobalarda ózin kórsete bilgen, off-teık kelisimsharttar boıynsha jumys tájirıbesi bar kompanııalardy ǵana tańdadyq. Bilim berý salasyndaǵy ahýal muqııat taldanyp, birinshi kezektegi aýyldar iriktelip alyndy. Bul óte mańyzdy. Óıtkeni qurylys kóbinese jobalaýshylardyń kinásinen keshiktiriledi», - dedi aımaq basshysy.
Kompanııa ókilderi óz kezeginde josparlarymen tanystyryp ótti. 15 sáýirde olar oblys ákimine jumystyń alǵashqy nátıjelerin beredi.
«Bıyl jańa zamanaýı mektepter Uranhaı, Jylandy, Qapaı batyr jáne Jolnusqaý aýyldarynda salynady. Sodan keıin Kentarlaý, Sheńgeldi jáne Malaq aýyldarynda qurylys jumystary bastalady. Sondaı-aq qurylysshylarmen MJÁ sheńberinde balabaqshalar jobalaryna qatysý, «Birqabatty Shyǵys» baǵdarlamasy sheńberinde kópbalaly jáne az qamtylǵan otbasylar úshin úıler salý múmkindigi talqylandy», - dedi Danıal Ahmetov.