ShQO-da medbıke óziniń áriptesin tonap ketken

ÓSKEMEN. QazAqparat - Otbasylyq dárigerlik ambýlatorııanyń medbıkesi áriptesiniń kiltinen kóshirme jasap, onyń altyn buıymdaryn úptep ketken, dep habarlaıdy «QazAqparat» HAA tilshisi.

Sot málimetterine súıensek, G esimdi azamatsha áriptesi dalaǵa shyǵyp ketken ýaqytta onyń kiltiniń kóshirmesin jasap úlgergen. Kelesi kúni qyzmettesiniń úıine erkin kirgen medbıke páterdegi altyn-kúmis buıymnyń bárin urlaǵan. Keltirilgen shyǵynnyń jalpy kólemi - 1 551 500 teńge.

Qylmystyq is QR QK 188 baby 3 bóligi boıynsha qaraldy. Sottyń birnshi otyrysynda qylmysyn moıyndaǵan medbıkeniń jazasy jeńildetilip, kishkentaı bala tárbıelep otyrýyna baılanysty 3 jylǵa shartty túrde sottaldy.