ShQO-da maıly daqyldardy óńdeý boıynsha iri jobalar júzege asyrylýda
ÓSKEMEN. QazAqparat – Shyǵys Qazaqstan oblysynda maıly daqyldardy óńdeý boıynsha tórt joba júzege asyrylýda , dep habarlaıdy QazAqparat tilshisi.
Búginde elimizde kúnbaǵys óniminiń 66%-y Shyǵys Qazaqstanda ósirilýde. Al óńirdiń maıly daqyldar boıynsha úlesi 23%-dy quraıdy. Al jańadan salynyp jatqan zaýyttar Altaı aımaǵynan eksportqa daıyn ónimderdi shyǵarýǵa múmkindik beredi.
Semeıdegi maı óńdeý zaýytynyń qýattylyǵy kúnine 1000 tonna kúnbaǵysty óńdeýge jetedi. Budan bólek Glýbokoe aýdanyndaǵy eki iri tseh pen Shemonaıha aýdanyndaǵy qaıta óńdeý zaýyty qoldanysqa berilmek.
Oblys ákimi Danıal Ahmetov ShQO aýyl sharýashylyǵy basqarmasyna qysqa ýaqyt ishinde maıly daqyldardyń egistik alqabyn arttyrýdyń josparyn qurýdy tapsyrdy. Josparǵa kúnbaǵystan bólek, soıa, raps jáne zyǵyr syndy taǵy basqa daqyldar kirýi tıis.
«Aýyl sharýashylyǵy ónimderiniń tıimdiligin arttyrý kerek. Soıa, júgeri syndy ónimderdiń alqabyn kóbeıtemiz. 2025 jylǵa qaraı biz soıa alqabyn 7 ese, júgeri alqabyn 5 esege arttyrýdy josparlap otyrmyz», - dedi Danıal Ahmetov.
Óńirde aýyl sharýashylyǵy salasyn damytýdyń keshendi jospary júzege asyrylýda. Nátıjesinde egis alqaptarynyń aýmaǵy bólinip, zamanaýı óńdeý tehnologııasy engizilip, naryq talabyna saı keletin ónimder shyǵarylmaq.
