ShQO-da mas júrgizýshisi jaıaý júrginshini qaǵyp óltirip, qashyp ketken
ÓSKEMEN. QazAqparat – Shyǵys Qazaqstan oblysy Kókpekti aýdanynda mas kúıde rýlge otyrǵan er adam jaıaý júrginshini qaǵyp óltirip, oqıǵa ornynan qashyp ketken, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, oqıǵa Kókpekti aýdanyndaǵy «Kókpekti-Vasılev ótkeli» jolynda bolǵan. Mas kúıde kólik tizgindegen 35 jastaǵy júrgizýshi jaıaý júrginshini qaǵyp, sol jerden iz sýytqan.
«Jol-kólik oqıǵasy saldarynan 20 jastaǵy azamat aýrýhananyń jansaqtaý bóliminde qaıtys boldy. Atalǵan fakti boıynsha QR QK-niń 345-baby 1 - bóligi 3-tarmaǵyna (kólik quraldaryn júrgizýshi adamdardyń abaısyzda adam ólimine ákep soqqan masań kúıde jol júrisi qaǵıdalaryn buzýy) jáne 347-babyna (jol-kólik oqıǵasy bolǵan jerden ketip qalý) sáıkes sotqa deıingi tergeý bastaldy», - dedi ShQO PD bastyǵy Saǵat Madıev.
Polıtsııa qyzmetkerleri kólik júrgizýshisin qolǵa túsirip, ýaqytsha ustaý ızolıatoryna jetkizdi. Qazirgi ýaqytta birqatar sot saraptamalary taǵaıyndalǵan. Sonyń nátıjeleri boıynsha protsessýaldyq sheshim qabyldanady.
