ShQO-da mas júrgizýshi velosıpedshini qaǵyp óltirdi
ÓSKEMEN. QazAqparat – Shyǵys Qazaqstan oblysy Kúrshim aýdanynda mas júrgizýshi velosıpedshini qaqqan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 10 qazan kúni saǵat 11:00-de Kúrshim aýylynda bolǵan. Mas júrgizýshi qaqqan velosıpedshi sol jerde jantásilim etti.
«IJ Moskvıch 2717» avtokóligin tizgindegen 57 jastaǵy er adam jyldamdyqty asyryp rýlge ıe bola almaı qalyp, joldyń shetinde kele jatqan 61 jastaǵy velosıpedshini qaǵyp ketti. Ol birden oqıǵa ornynan izin sýytqan. Jedel-izdestirý sharalaryn júrgizgen polıtsııa qyzmetkerleri kólik júrgizýshisin taýyp, ýaqytsha ustaý ızolıatoryna qamaýǵa aldy», - dedi ShQO Polıtsııa departamentiniń bastyǵy Saǵat Mádıev.
Atalǵan fakt boıynsha QR Qylmystyq kodeksiniń 345-baby 3-bóligimen jáne 347 babymen sotqa deıingi tergeý amaldary júrgizilýde. Birqatar sot-medıtsınalyq saraptamalar taǵaıyndalǵan.
