ShQO-da mas júrgizýshi kóshe shamynyń baǵanasyna soǵyldy
ÓSKEMEN. QazAqparat – Shyǵys Qazaqstan oblysy Kókpekti aýdany Samar aýylynda ishimdik iship rýlge otyrǵan er adam kóshe shamynyń baǵanasyna soǵylǵan, dep habarlaıdy QazAqparat.
ShQO Polıtsııa departamenti baspasóz qyzmetiniń málimetine súıensek, 58 jastaǵy aýyl turǵyny mas kúıinde Daewoo Nexia markaly kólikti tizgindegen.
«Rýlge ıe bola almaı qalǵan ol kóshe shamynyń baǵanasyna soǵyldy. Osynyń saldarynan 200 myń teńge mólsherinde shyǵyn kelgen. Medıtsınalyq kýálandyrý nátıjesi júrgizýshiniń ortasha deńgeıde mas bolǵanyn kórsetti. Sondaı-aq er adamnyń ótken jyldyń naýryz aıynda Kókpekti aýdandyq sotynyń sheshimimen úsh jylǵa júrgizýshi kýáliginen aıyrylǵany anyqtalǵan», - dep habarlady vedomstvo ókilderi.
Qazirgi ýaqytta júrgizýshige qatysty QR Qylmystyq kodeksiniń 346-baby 2-bóligine sáıkes sotqa deıingi tergeý amaldary júrgizilýde.
