ShQO-da mas kúıinde kólik aıdaıtyn áıelder kóbeıdi

ÓSKEMEN QazAqparat – Shyǵys Qazaqstan oblysynda ishimdik iship kólik aıdaıtyn áıelder sany artty, dep habarlaıdy QazAqparat tilshisi.

ShQO mamandandyrylǵan aýdanaralyq ákimshilik sotynyń málimetine súıensek, oblys boıynsha jyl basynan beri alkogoldi ishimdik iship kólik tizginine otyratyn áıelder sany eki esege jýyq artqan.

«Ótken jyldyń 6 aıyndaǵy kórsetkishke sáıkes, Shyǵys Qazaqstanda QR ÁQBtK-niń 608-baby boıynsha (kólik quralyn mas kúıinde júrgizý) 19 áıel jaýapqa tartylǵan bolatyn. Al osy jyldyń sáıkes kezeńinde 37 áıel mundaı qylmys jasaǵany úshin sotqa tartyldy. Ókinishke qaraı, áıelder arasynda osyndaı teris statıstıka baıqalyp otyr», - deıdi sýdıa Irına Dorosh.

Onyń aıtýynsha, atalǵan bapty buzǵandar on bes táýlikke ákimshilik qamaqqa alýǵa jáne jeti jyl merzimge kólik quralyn basqarý quqyǵynan aıyrý jazasyn tartylady.