ShQO-da mas kúıde kólik júrgizip, jol apatyna túsken ákim 20 kúnge qamaýǵa alyndy

Shyǵys Qazaqstan oblysynda mas kúıde rýlge otyryp, jol apatyna túsken aýyldyq okrýg ákimine qatysty sot sheshimi shyqty, dep habarlaıdy Kazinform. 

Altaı aýdanyndaǵy aýyldyq okrýgterdiń biriniń ákimi «Chevrolet Niva» markaly avtokólikti tizgindep, aýlada toqtap turǵan «VAZ 21099» kóligine soǵyldy. Saraptama kórsetkendeı, sol kezde ol jeńil dárejede mas bolǵan.

Osyǵan baılanysty sot isi aýdandyq sotta qaraldy. Sot barysynda aıyptalýshy óz kinásin tolyqtaı moıyndady.

«Sot sheshimimen ákim 20 táýlikke ákimshilik qamaqqa alyndy. Sondaı-aq ol jeti jylǵa kólik quralyn basqarý quqyǵynan aıyryldy. Bul sheshimge apellıatsııalyq satydaǵy sotqa shaǵymdanýǵa bolady», - dep habarlady sottyń baspasóz qyzmeti.

Eske salsaq, osyǵan deıin «Óskemen-Rıdder» tasjolynda jol apatynan eki adam kóz jumǵany habarlanǵan.