ShQO-da marıhýana satqan erli-zaıyptylar ustaldy
NUR-SULTAN. QazAqparat - Shyǵys Qazaqstan oblysynyń esirtkimen kúres polıtsııasy esirtki satqan erli-zaıyptylardy ustady, dep habarlaıdy QazAqparat ІІM baspasóz qyzmetine silteme jasap.
«Kóknár-2019» jedel-profılaktıkalyq is-sharasy kezinde eki kılogramm keptirilgen marıhýanany satyp jatqan erli-zaıyptylar qolǵa tústi. Kúdiktilerdiń páterin izdestirý kezinde aldyn ala daıyndalǵan 6 polımer pakettegi jarty kılogramm marıhýana tárkilendi. Ony M. atty azamatsha satý maqsatymen saqtaǵan.
Qospany ázirleý kezinde ustalǵan B. degen azamattyń úıinen taǵy da 11 kg 875 gr marıhýana tabyldy.
Kúdiktilerge QR QK 297-baby 1-tarmaǵyna sáıkes, bes jyldan on jylǵa deıin bas bostandyǵynan aıyrý jazasy qarastyrylyp jatyr.
