ShQO-da malǵa qasqyr shaýyp jatyr
ASTANA. QazAqparat -Shyǵys Qazaqstan oblysynda qoradaǵy qoıǵa qasqyr shaýyp, malǵa shabýyl jasap jatyr, dep jazady Habar 24 .
Túz taǵysy ásirese Qatonqaraǵaı, Tarbaǵataı jáne Zaısan aýdandarynda kóbeıip ketken. Máselen, Qatonqaraǵaı aýdany turǵyndarynyń aıtýynsha, óristegi malǵa qasqyrlar úıirimen baqtashynyń kózinshe shabatyn bolǵan. 150-den astam tútini bar aýyldaǵy árbir úıden búginge deıin 1-2 mal qasqyrǵa jem bolǵan.
Tipti aýyl turǵyndary qas qaraıǵan soń úılerinen shyǵýǵa da úreılenip qalǵan. Oblystyq tabıǵı resýrstar jáne tabıǵatty paıdalaný basqarmasynyń mamandary qasqyrlardy atý úshin arnaıy áýe otrıady jasaqtalǵanyn habarlady.
Ańshylar áýeli áýeden baqylaý jasap, odan soń qasqyr kóp shoǵyrlanǵan aýdandarda atýdy bastaıdy. Bir jyldyń ishinde aımaq boıynsha 346 qasqyr aýlanǵan.
« Búginnen bastap tikushaq boıynsha áýeden baqylaý reıdi bastalyp ketti. Sýyq túsip, qar túsken kezden qar motatsıklimen shyǵyp, jerden reıdter bastalady», - Arman Esentaev, oblystyq tabıǵı resýrstar jáne tabıǵatty paıdalaný basqarmasynyń bólim jetekshisi.
