ShQO-da mal urlaýmen aınalysqan 2 adam ustaldy
ShQO Polıtsııa departamenti baspasóz qyzmetiniń málimetine súıensek, Kókpekti aýdandyq polıtsııa bólimine sharýa qojalyǵynyń 56 jastaǵy ıesi júgingen. Óz sózinde ol túnde belgisiz bireýlerdiń sharýa qojalyǵy aýmaǵyna kirip, 2 bas iri qarany urlap ketkenin aıtty.
«Jedel-izdestirý sharalaryn júrgizý barysynda krımınaldyq polıtsııa qyzmetkerleri Samar aýylynyń 26 jáne 29 jastaǵy turǵyndaryn ustady. Kúdiktilerden zattaı dáleldemeler, atap aıtqanda iri qaranyń terisi tabyldy», - delingen habarlamada.
Qazirgi ýaqytta atalǵan fakti boıynsha QR QK-niń 188-baby 3-bóliginiń 2-tarmaǵyna sáıkes sotqa deıingi tergeý amaldary júrgizilýde. Mal urlaǵany úshin kúdiktiler 7 jylǵa deıin bas bostandyqtarynan aıyrylýy múmkin.
Sonymen qatar tártip saqshylary Jarma aýdanynda jedel-izdestirý sharalary barysynda 11 jylqyny tapqan. Bul jylqylar Arshaly aýyldyq okrýginde 2020 jyldyń 10 jeltoqsanynda joǵalyp ketken bolatyn.