ShQO-da mal urlaǵan 49 adam ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylary mal urlyǵynyń aldyn alý boıynsha birqatar sharany qolǵa alǵan. Sonyń nátıjesinde bıyl óńirdegi mal urlyǵy 14% tómendedi.
«Kóbinese barymtashylar maldy erkin jaıylymnan urlaıdy. Al keıbir jaǵdaılarda alysqa jaıylǵan mal joǵalyp ketken. Mundaı ótinishter boıynsha polıtseıler der kezinde kómek kórsetip, izdeý jumystaryn júrgizedi», - delingen habarlamada.
Osy jyly mal urlaǵan 49 adam ustalyp, 6 qylmystyq toptyń joly kesildi. Sondaı-aq 500-den astam mal ıelerine qaıtarylǵan.
«Oblys boıynsha qaraýsyz qalǵan malǵa arnalǵan 277 aıyppul turaǵy qurylǵan. Onda 8 myńǵa jýyq mal basy qamalyp, 2 myńnan astam turǵyn aýyl sharýashylyǵy janýarlaryn jaıý erejelerin buzǵany úshin ákimshilik jaýapkershilikke tartyldy», - delingen aqparatta.