ShQO-da lombard qyzmetkeri 3 mln teńgeni jymqyrǵan
ÓSKEMEN. QazAqparat – Shyǵys Qazaqstan oblysy Aıagóz aýdanynda 3 mln teńgeni jymqyrǵan lombard qyzmetkeri ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Aıagóz aýdandyq polıtsııa bóliminiń «102» jedel arnasyna 41 jastaǵy turǵyn habarlasqan. Óz sózinde ol lombardta jumys isteıtin 31 jastaǵy sarapshy-baǵalaýshynyń 2020 jyldyń basynan bastap 2021 jyldyń sáýirine deıin 3 100 000 teńgeden astam somadaǵy aqshany jymqyrǵanyn aıtty.
«Osyǵan oraı polıtsııa qyzmetkerleri jedel-izdestirý sharalaryn júrgizip, kúdiktini qolǵa túsirdi. Іs boıynsha noýtbýk pen túbirtekter tárkilendi», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq kodeksiniń 190-baby 3-bóliginiń 1-tarmaǵyna sáıkes sotqa deıingi tergeý amaldary júrgizilýde.
