ShQO-da Lenın eskertkishiniń qıraýyna baılanysty polıtsııa tergeý júrgizýde

ÓSKEMEN. QazAqparat – Shyǵys Qazaqstan oblysy Altaı qalasynda Lenın eskertkishiniń qıraýyna baılanysty polıtsııa tergeý júrgizýde, dep habarlaıdy QazAqparat tilshisi.

Osyǵan deıin Altaı qalasynda Lenınniń eskertkishin jóndep jatqan merdiger kompanııanyń júk tıegish kóligi eskertkishti qulatyp, qıratyp alǵanyn habarlaǵan edik.

ShQO Polıtsııa departamenti atalǵan fakti boıynsha tergeý amaldaryn qolǵa alǵan.

«Qazirgi ýaqytta tártip saqshylary QR Qylmystyq Kodeksiniń 203-baby 1-bóligine (tarıhı, mádenı eskertkishterdi, tabıǵat keshenderin nemese memleket qorǵaýyna alynǵan obektilerdi qasaqana joıý nemese búldirý) sáıkes sotqa deıingi tergeý amaldaryn júrgizýde. Bul bap boıynsha jaza retinde úshten jeti jylǵa deıingi merzimge bas bostandyǵynan aıyrý jazasy qarastyrylǵan», - dep habarlady vedomstvo ókilderi.