ShQO-da «Qyzyl tý» parom ótkeli qalpyna keltirildi

ÓSKEMEN. QazAqparat – Shyǵys Qazaqstan oblysyndaǵy «Qyzyl tý» parom ótkeli qalpyna keltirildi, dep habarlaıdy QazAqparat tilshisi.

ShQO TJD málimetine súıensek, Buqtyrma sý qoımasyndaǵy «Qyzyl tý» parom ótkeli kestege sáıkes jumysyn bastady.

«Buqtyrma sý qoımasyndaǵy Kókpekti jáne Kúrshim aýdandary arasyndaǵy parom ótkelindegi qozǵalys 21 naýryzdan qaıta ashyldy. Parom tańǵy saǵat 7.00-den keshki saǵat 20.00 deıin jumys isteıdi», - delingen aqparatta.

Aıta keteıik, Kúrshim aýdany jaǵynan paromnyń shyǵý ýaqyty: 7:00, 9:00, 11:00, 13:00, 15:00, 17:00, 19:00, al Samar jaǵynan: 8:00, 10:00, 12:00, 14:00, 16:00, 18:00, 20:00.

Eske salsaq, osyǵan deıin Shyǵys Qazaqstan oblysyndaǵy Buqtyrma ózeninde muz jarý jumystary júrgizilip jatqanyn habarlaǵan edik.