ShQO-da Qyzyl tý ótkelinde traktor muz astyna qulap ketti

ÓSKEMEN. QazAqparat – Shyǵys Qazaqstan oblysyndaǵy Qyzyl tý ótkelinde traktor muz astyna qulap ketti, dep habarlaıdy QazAqparat tilshisi.

Oqıǵa 11 qańtar kúni Kúrshim aýdanyndaǵy Qyzyl tý muz ótkelinde bolǵan.

Traktor muz astyna qulaǵanda júrgizýshi esikten syrtqa shyǵyp úlgerdi.

«OblShyǵysJol» JShS málimetine súıensek, sol ýaqytta muz ótkelinde birneshe kólik keptelip qalǵan.

«Júrgizýshiler bizge telefon soǵyp, kómek surady. Traktor olarǵa kómektesý úshin joldy tazalaýǵa shyqqan. Alaıda kenetten osyndaı jaǵdaı boldy. Júrgizýshi zardap shekken joq. Muzdyń qalyńdyǵy 35 santımetrdi quraǵan. Traktordyń aldynda sol jermen aýyr júk kóligi ótkende muzda jaryqshaq paıda bolýy múmkin», - deıdi mekemeniń bas ınjeneri Erik Pshenov.

Aıta keteıik, qazirgi ýaqytta «Qyzyl tý» muz ótkelinde kólik qozǵalysyna tyıym salynǵan.

Vıdeodan alynǵan kadr