ShQO-da Qyzyl kitapqa engen birqazan qutqaryldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda polıtsııa qyzmetkerleri Qyzyl kitapqa engen birqazandy qutqardy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Glýbokoe aýdany Beloýsovka aýylynda Qyzyl kitapqa engen qus tabylǵan. Polıtseıler ony Óskemen qalasyndaǵy veterınarlyq klınıkaǵa tapsyrdy.
Polıtsııaǵa habarlasqan turǵyn aýyl kósheleriniń birinde erekshe qusty kezdestirgenin aıtty. Óz sózinde qanattynyń biraz ýaqyttan beri qozǵalyssyz otyrǵanyn, kómekke muqtaj bolýy múmkin ekendigin jetkizgen. Tártip saqshylary dereý atalǵan mekenjaıǵa jol tartty.
«Ýchaskelik ınspektor Erkebulan Muratuly birqazandy qarap shyǵyp, Óskemen veterınarlyq klınıkasynyń mamandaryn shaqyrtty. Dárigerler kelip jetkenge deıin polıtsııa qyzmetkeri jaralanǵan qusty ash júrgen qańǵybas ıtterdiń shabýylynan qorǵaǵan. Kóp uzamaı Qyzyl kitapqa engen qus bilikti mamandardyń qolyna tapsyryldy», - delingen aqparatta.
