ShQO-da qyzmettik ıtter 70-ten astam qylmysty ashýǵa kómektesken
ÓSKEMEN. QazAqparat - Shyǵys Qazaqstanda ıisshil ıtterdiń kómegimen 70-ten astam qylmystyń beti ashylǵan, dep habaralaıdy QazAqparat tilshisi.
Shyǵys Qazaqstan oblysynda jedel izdestirý sharalaryna kóbine ıttiń kómegi kerek bolady. Kún saıyn kınologııa ortalyǵynan 9 ıt izdestirý jumystaryna tartylyp júr. Oblystyq polıtsııa departamentiniń málimetinshe, osynyń arqasynda ashylǵan qylmystardyń sany artqan.
«Departamenttiń kınologııa ortalyǵynda 33 ıt bar. Qylmyskerdi ustaý sııaqty júrektilikti talap etetin isterge belgııalyq ovcharkalardy, al ıisshildikti qajet etetin isterge nemis ovcharkalaryn baýlımyz. Solardyń kómegimen jyl basynan beri 70-ten astam qylmystyń beti ashyldy» - deıdi kınologııa ortalyǵynyń bastyǵy Maksım Zýbov.
Onyń aıtýynsha, oblystyń ishki ister salasynda 60 astam kınolog jumys isteıdi. Sońǵy úsh aıda solar baptaǵan ıtterdiń kómegimen 38 urlyq, 5 tonaý jáne 1 kisi óltirý qylmysynyń izi ashylǵan.
