ShQO-da qysqa jınalǵan shóptiń órtenýi jıilegen
ÓSKEMEN. QazAqparat – Shyǵys Qazaqstan oblysynda shóptiń órtenýi jıilep ketken, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jyly ári qurǵaq aýa raıy men jurttyń nemquraılyǵy shóptiń otqa oranýyna ákep soǵýda. Máselen, óńirdiń eki aýdanynda turǵyndar qysqa arnalǵan shópterinen aıyryldy. Úrjar aýdany Qaratuma aýylyndaǵy jeke turǵyn úıdiń aýlasynda 49 tonna shóp, al Zaısan aýdany Úlken Qaratal aýylyndaǵy 3 jer úıdiń aýlasynda 90 tonna shóp janyp ketken.
«Oqıǵa ornyna kelip jetken órt sóndirýshiler tilsiz jaýdyń ary qaraı jaıylýyna jol bermedi», - delingen vedomstvo málimetinde.
