ShQO-da qys bastalǵaly beri 70 myń tekshe metr qar shyǵaryldy
Bıyl óńirde qar qalyń tústi.
Oblystyń Kúrshim aýdanynda qar jamylǵysynyń bıiktigi 70 sm-den asqan. Altaı aýdanynda 31-49 sm, Glýbokoe aýdanynda 31-den 58 sm aralyǵynda.
ShQO óńirlik kommýnıkatsııalar qyzmetinde ótken baspasóz máslıhatyna qatysqan Shyǵys Qazaqstan oblysy ákimi apparaty jumyldyrý daıyndyǵy bóliminiń basshysy Erken Sársembınovtiń aıtýynsha, qar shyǵarý jumystary belsendi júrgizilýde.
Qys bastalǵaly 70 myń tekshe metrden astam qar shyǵarylǵan.
«Sý tasqyny kezeńine de daıyndyq jasalýda. Sý tasqynyna qarsy bekitilgen is-sharalar josparyna sáıkes 2022 jyly jergilikti bıýdjet esebinen jalpy somasy 166 mln 688 myń teńgege 9 shara júzege asyryldy. 2023 jylǵa Zaısan aýdanynyń Jarly ózeni arnasyn tazartý, Glýbokoe aýdanynyń Cheremshanka aýylyndaǵy Úlbi ózeninde jáne Katonqaraǵaı aýdanynyń Sarymsaqty ózeninde jaǵalaýdy nyǵaıtý jumystary josparlanǵan. Shyǵys Qazaqstan 71 eldi meken jylda sý basý qaýpine ushyraıtyn. Qazir 15 aýylda qaýip joıylyp, 46-synda barynsha azaıtyldy», - deıdi ShQO TJD Tótenshe jaǵdaılardyń aldyn alý basqarmasynyń bastyǵy Erlan Baltabaev.