ShQO-da qys bastalǵaly beri 65 ret jasandy jolmen qar kóshkini túsirildi
ÓSKEMEN. QazAqparat – Shyǵys Qazaqstan oblysynda qys mezgiliniń basynan beri 65 ret jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin qar kóshkininiń aldyn alý sharalary «Óskemen-Samar» tasjolynda júrgizildi.
«Qutqarýshylar men «Qazseldenqorǵaý» ShQ fılıalynyń mamandary atalǵan tasjoldyń 3ýchaskesinde jasandy jolmen qar kóshkinin túsirdi. Sonyń nátıjesinde, jalpy kólemi 2470 tekshe metr qar túsken», - delingen aqparatta.
Búginde kún saıyn kóshkin júrý qaýpi bar jerlerge monıtorıng júrgizilýde. Mamandar azamattarǵa aýa raıyna baılanysty eskertýlerge nazar aýdaryp, kóshkin júrýi múmkin taýly jerlerge barmaý qajettigin eskertti.
Aıta keteıik, óńir boıynsha qys bastalǵaly beri 65 ret jasandy jolmen qar kóshkini júrgizilip, jalpy kólemi 62370 tekshe metr qar túsken.
