ShQO-da qys bastalǵaly 89 qar kóshkini túsirildi

ÓSKEMEN. QazAqparat – Shyǵys Qazaqstan oblysynda qys bastalǵaly beri 89 qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, aımaqta birneshe kún boıy qar kóshkini júrý qaýpi saqtalýda.

«Qaýipsizdik maqsatynda «Qazseldenqorǵaý» ShQOF mamandary «Óskemen-Samar» tasjolynda profılaktıkalyq maqsatta 4 ret qar kóshkinin júrgizdi. Túsken qar massanyń jalpy kólemi 5000 tekshe metrdi qurady. Jol qyzmetteri birden qardy tazartý jumystaryn qolǵa aldy», - delingen aqparatta.

Qys basynan beri Shyǵys Qazaqstanda jasandy jolmen 89 ret kóshkin júrgizilip, jalpy mólsheri 339460 tekshe metr qar túsirilgen.

Osy rette, qutqarýshylar óńir jurtshylyǵyn taýly jerlerge barýdan bas tartýǵa shaqyrdy.