ShQO-da qys bastalǵaly 70 avtobýs jolda qalǵan
ÓSKEMEN. QazAqparat - Shyǵys Qazaqstan oblysynda qys bastalǵaly beri 70 avtobýs jolda qalǵan, dep habarlaıdy Qazaqparat.
Shyǵys Qazaqstanda bıylǵy qysta qalyń qar men burqasynnyń saldarynan alys jolǵa shyqqan avtobýstar saparlaryn jalǵastyra almaı, jolda qalýda.
«Qys basynan beri túrli baǵyttaǵy 70 avtobýs qolaısyz aýa-raıynyń saldarynan Aıagózde toqtaýǵa májbúr boldy. Jolaýshylar arnaıy daıyndalǵan oryndarǵa jetkizilgen», - dep málim etti ShQO ákiminiń baspasóz qyzmetindegiler.
Sońǵy ret 25 qańtar kúni saǵat 20.30-da «Aıagóz-Almaty» tasjoly jabylǵandyqtan «Semeı-Maqanshy», «Semeı-Barlyq-Arasan», «Semeı-Taldyqorǵan» baǵyttaryndaǵy avtobýstar Aıagóz qalasynda qalyp qoıdy.
«Olardyń ishinde bolǵan 71 adamnyń 8-i qonaqúıge, 3-ýi týystarynyń úıine qonsa, qalǵandary Aıagózdegi sport mektebine ornalastyrylǵan. Jolaýshylardyń barlyǵy ystyq tamaqpen qamtamasyz etildi» - delingen málimette.
