ShQO-da qys bastalǵaly 101 ret qar kóshkini túsirildi
Oblystyq Tótenshe jaǵdaılar departamenti baspasóz qyzmetiniń málimetine súıensek, qutqarýshylar men «Qazseldenqorǵaý» Shyǵys Qazaqstan fılıalynyń mamandary jasandy jolmen qar kóshkinin túsirdi.
«Aqsý-Taldy» tasjolynyń mańyndaǵy taý bókterinde 2 jarylys jasaldy. Sonyń nátıjesinde, 3000 tekshe metr qar túsirildi.
«Sarapshy-baqylaýshylar jasaǵan kóshkin qaýpi týraly boljam negizinde profılaktıkalyq kóshkin júrgizildi. Bul oqys oqıǵalardyń aldyn alýdaǵy tıimdi ádisterdiń biri. ShQO TJD qyzmetkerleri jarylǵysh zattardyń qaýipsizdigin, polıtseıler jumystardy júrgizý kezinde tasjolda kólikterdiń júrýin shekteýdi qamtamasyz etedi», - deıdi «Qazseldenqorǵaý» ShQ fılıalynyń basshysy Omar Dúzgimbaev.
Aıta keteıik, qys bastalǵaly beri óńir boıynsha jasandy jolmen 101 ret kóshkin túsirildi. Túsken qardyń jalpy kólemi 387 060 tekshe metrdi quraıdy.