ShQO-da qyrkúıekten beri 800-ge jýyq adam áskerge shaqyrtyldy
Elimizde kúzgi áskerge shaqyrý naýqany 1 qyrkúıekte bastalǵan. Búginge deıin 800 shyǵysqazaqstandyq áskerge shaqyrtyldy. Onyń ishinde 40 jigit Otan aldyndaǵy boryshyn óteýge QR QK Áskerı-teńiz kúshteriniń Aqtaý qalasyndaǵy 29011 áskerı bólimine jiberilgen.
Osyǵan oraı Óskemende merzimdi áskerı qyzmetshilerdi saltanatty túrde shyǵaryp salý rásimi ótti. Jas sarbazdardy quttyqtaýǵa týǵan-týystary, sardarlar, Qarýly Kúshterdiń ardagerleri keldi.
«Áskerden keıin men áskerı ýchılışege tústim. Sender de Qarýly Kúshter qatarynan óz oryndaryńdy tabasyńdar degen úmittemin. Osyndaı kózinde oty bar jastardy áskerge shyǵaryp salǵan saıyn elimizdiń bolashaǵy jarqyn, qorǵanysy berik bolatynyna senimim arta túsedi», - dedi quttyqtaý sózinde Qazaqstan Respýblıkasy Qarýly Kúshteriniń qurmetti ardageri Tóken Bilálov.
