ShQO-da quıyndy daýyl ǵımarattar shatyrlaryn kókke ushyrdy
ASTANA. QazAqparat - 12 qyrkúıek kúni Shyǵys Qazaqstan oblysy Kókpekti aýdany Samar aýylynda quıyndy daýyl ǵımarattardyń shatyrlaryn julyp ketti. Bul týraly QR ІІM Tótenshe jaǵdaılar komıtetiniń resmı ókili Rýslan Imanqulov málim etti, dep habarlaıdy QazAqparat.
Ekpini 32 m/s-qa jetken jeldiń saldarynan «Kókpekti aýdanaralyq aýrýhanasy» qazynalyq memlekettik kommýnaldyq mekemesiniń úsh qabatty ǵımaratynyń 600 sharshy metr aýmaǵy búlindi (jalpy aýmaǵy 1500 sharshy metr). Zardap shekkender joq.
Onymen qosa, eki qabatty kóppáterli turǵyn úıdiń shatyry (60 sharshy metr aýmaqta) kókke ushty (jalpy aýmaǵy 220 sharshy metr). Zardap shekkender joq.
